الرؤية

بسبب إن ثقافة الكيرلي مش موجودة عندنا، وبسبب إن بنات كتير في مصر شعرها كيرلي أو مجعد، وبسبب إننا اتربينا على صورة واحدة من الجمال مبنعرفش نشوف الشعر جميل إلا لو كان مفرود،،، وبسبب ده كله، بنات كتير بتتعقد من شعرها وبتلجئ للفرد بالبروتين والكيراتين والبرمنانت وغيرها من أساليب الفرد اللي معظمها بتنشف الشعر وبتوقعه وبردو الشعر مابيكونش شكله طبيعي، أو تفرده بمكوى طول الوقت فيبوظ أكتر وتتعقد منه أكتر. عشان كده الصفحة دي هدفها إن البنات تتعلم تتقبل شكلها وشعرها وتتعلم تتعامل معاه على طبيعته من غير ما تحس إنها مضطرة تفرده أو تلمه كحكة طول الوقت!!😃
كل أسبوع إن شاء الله هنتكلم في موضوع معين متعلق بالشعر الكيرلي: ليه الشعر الكيرلي بيميل إنه يهيش وينشف أكتر من غيره؟ ايه الحاجات الي ممكن نكون بنعملها وتبوظ الشعر من غير ما نعرف؟ إيه المكونات اللي أدور عليها وأنا بختار المنتجات؟ إيه أحسن طرق لتصفيف الشعر الكيرلي؟ إيه الزيوت والماسكات المناسبة لكل نوع؟ كمان هنرشح بعض المنتجات المخصصة للشعر الكيرلي. ولو في أي مواضيع تحبوا نتكلم فيها أو أسئلة ممكن تبعتولنا على الصفحة.
ودي بعض المصادر اللي هنستعين بيها:
كتاب Curly Girl: The Handbook
كتاب Better than Good Hair
موقع Naturally Curly
موقع Just Curly
مقالات متفرقة وتجارب شخصية
نشوفكم على خير 😊
#ConfusedCurlies #Curlies #CurlyHair

Comments

Popular posts from this blog

إزاي أحدد احتياجات شعري والمنتجات المناسبة ليه؟؟

إيه المواد الكيميائية المسببة للهيشان والجفاف؟ ازاي أعرفها؟