ليه الشعر الكيرلي بيميل للهيشان وبيبقى أنشف من الشعر المفرود؟
في أسباب داخلية/ بيولوجية وأسباب خارجية.
أ- الأسباب الداخلية
١. طبيعة الموجة أو "اللولوة" اللي في الشعر ده بتصعب وصول الزيوت الطبيعية للشعراية كاملة. لو الشعر بطبيعته مفرود، الزيوت هتخرج من الغدد الدهنية اللي في فروة الرأس وتنزل جوه الشعراية بسهولة مفيش مشاكل . أما الشعراية لما تكون مموجة، أو ملولوة أو مجعدة, الزيت بيقابل صعوبة في إنه يوصلها بطولها لأنه مش هيعرف يلف اللفة دي كلها 😃. طبعا ده بفرض إن الزيوت والعناصر الغذائية بتُفرز في فروة الرأس بشكل صحي وطبيعي، وده بياخدنا للسبب الداخلي التاني.
أ- الأسباب الداخلية
١. طبيعة الموجة أو "اللولوة" اللي في الشعر ده بتصعب وصول الزيوت الطبيعية للشعراية كاملة. لو الشعر بطبيعته مفرود، الزيوت هتخرج من الغدد الدهنية اللي في فروة الرأس وتنزل جوه الشعراية بسهولة مفيش مشاكل . أما الشعراية لما تكون مموجة، أو ملولوة أو مجعدة, الزيت بيقابل صعوبة في إنه يوصلها بطولها لأنه مش هيعرف يلف اللفة دي كلها 😃. طبعا ده بفرض إن الزيوت والعناصر الغذائية بتُفرز في فروة الرأس بشكل صحي وطبيعي، وده بياخدنا للسبب الداخلي التاني.
٢. الأكل. مش هتكلم عن الأكل اللي بيغذي الشعر عشان معظمه معروف، لكن لو بناكل الحاجات الضارة دي بكميات كبيرة، مش هنستفيد من الأكل المغذي حتى لو كلناه.
أهم حاجتين:
- السكر: بيمنع امتصاص البروتين في الجسم كله -بما في ذلك فروة الرأس. بالنسبة للشعر، البروتين دوره يحافظ على قوته بحيث ميتكسرش ويتقصف بسهولة، ويحافظ على مرونته elasticity فميتقطعش بسهولة.
-الدهون: الدهون الزيادة بتنعكس على فروة الرأس زي ما بتنعكس على باقي الجسم. دلوقتي عندنا دهون طبيعية بتفرزها الغدد الدهنية في الفروة ودهون زايدة من الأكل. مسام الجلد سواء في الرأس او غيرها متكفيش إن كل الدهون دي تطلع، فبيفضل جزء منها عالق في مسام فروة الرأس (وده بيصعب مهمة الدهون الطبيعية اللي هي صعبة أصلا للسبب الأول) أو المسام تتسد جزئيا، فمتبقاش قادرة تشيل الشعراية، فتقع!
أهم حاجتين:
- السكر: بيمنع امتصاص البروتين في الجسم كله -بما في ذلك فروة الرأس. بالنسبة للشعر، البروتين دوره يحافظ على قوته بحيث ميتكسرش ويتقصف بسهولة، ويحافظ على مرونته elasticity فميتقطعش بسهولة.
-الدهون: الدهون الزيادة بتنعكس على فروة الرأس زي ما بتنعكس على باقي الجسم. دلوقتي عندنا دهون طبيعية بتفرزها الغدد الدهنية في الفروة ودهون زايدة من الأكل. مسام الجلد سواء في الرأس او غيرها متكفيش إن كل الدهون دي تطلع، فبيفضل جزء منها عالق في مسام فروة الرأس (وده بيصعب مهمة الدهون الطبيعية اللي هي صعبة أصلا للسبب الأول) أو المسام تتسد جزئيا، فمتبقاش قادرة تشيل الشعراية، فتقع!
دلوقتي الأسباب الخارجية (ورقة وقلم واكتبي معايا يا ست الكل)
١. الشامبو. معظم الشامبوهات التجارية بتحتوي على ال sulfate في أكتر من مكون. (هنتكلم عنه بالتفصيل في بوست جاي) الsulfate مهمته ينظف الشعر وفروة الرأس من الدهون لكن لو الشعر بيتغسل على فترات متقاربة بشامبو فيه sulfate، الدهون دي مبتلحقش تفرز وتوصل للشعر فبيفضل ناشف.
٢. البلسم والكريم. معظمها بيحتوي على مشتق من مشتقات السليكون. السليكون بيغلف الشعراية وبيديها مظهر حيوي ولامع، لكن مشكلته إنه مش بيدوب في الماية، بيفضل يتراكم فوق الشعراية ويعمل طبقة عازلة بتكون تقيلة عليها فنلاقيها بتتكسر بسهولة أو كأنها متكهربة كده 😃 ومفيش حاجة بتخلي السليكون يدوب غير الsulfate فبالتالي هنفضل في الحلقة المفرغة دي.
٣. التسريح عالناشف 😃. في خطأ شائع بيقول إن الشعر مينفعش يتسرح وهو مبلول عشان بيكون في أضعف حالاته. جزء من ده صحيح, هو بيكون في أضعف حالاته فعلا، لكن وهو ناشف بيكون في أغبى حالاته 😂 وتسليكه بيكون أصعب بكتييييير، لأنه أصلا يكاد يكون خالي من الترطيب فبيتقطع ويهيش أكتر بكتير (كأنه متكهرب بردو). الاحسن يتسرح تحت الماية ببلسم كتير ومشط واسع، وده هيخلينا نتجنب الشد الكتير وهو مبلول.
٤. الفوطة. الفوط العادية نسيجها وملمسها قاسي جدا على الشعر، ولما نفضل نفرك الشعر بيها جامد، الاحتكاك ده بيسبب هيشان وتقصف. الأفضل استخدام فوطة مايكرو-فايبر أو تي شيرت قطن وتنشيف الشعر بالضغط عليه بالراحة من غير فرك أو احتكاك.
٥.المخدة. نسيج البوليستر اللي في كيس المخدة قاسي على البشرة والشعر، وبما إن الشعر بيبقى على اتصال مباشر بالمخدة ل٥ ساعات في اليوم على الأقل، فده بيؤدي للهيشان من غير ما نحس. الأفضل استبدال كيس المخدة العادي بكيس مخدة ستان، ولو مفيش بلبّس المخدة فستان أو بلوزة ستان قديمة عادي 😃
٣. التسريح عالناشف 😃. في خطأ شائع بيقول إن الشعر مينفعش يتسرح وهو مبلول عشان بيكون في أضعف حالاته. جزء من ده صحيح, هو بيكون في أضعف حالاته فعلا، لكن وهو ناشف بيكون في أغبى حالاته 😂 وتسليكه بيكون أصعب بكتييييير، لأنه أصلا يكاد يكون خالي من الترطيب فبيتقطع ويهيش أكتر بكتير (كأنه متكهرب بردو). الاحسن يتسرح تحت الماية ببلسم كتير ومشط واسع، وده هيخلينا نتجنب الشد الكتير وهو مبلول.
٤. الفوطة. الفوط العادية نسيجها وملمسها قاسي جدا على الشعر، ولما نفضل نفرك الشعر بيها جامد، الاحتكاك ده بيسبب هيشان وتقصف. الأفضل استخدام فوطة مايكرو-فايبر أو تي شيرت قطن وتنشيف الشعر بالضغط عليه بالراحة من غير فرك أو احتكاك.
٥.المخدة. نسيج البوليستر اللي في كيس المخدة قاسي على البشرة والشعر، وبما إن الشعر بيبقى على اتصال مباشر بالمخدة ل٥ ساعات في اليوم على الأقل، فده بيؤدي للهيشان من غير ما نحس. الأفضل استبدال كيس المخدة العادي بكيس مخدة ستان، ولو مفيش بلبّس المخدة فستان أو بلوزة ستان قديمة عادي 😃
الزيوت الغلط. طيب قررت أهتم بنفسي وأعمل خلطة زيوت سحرية، يللا احط زيت زيتون على لوز على جوز هند على جرجير (ليط كمان 😃). لازم الأول أعرف ايه الزيوت اللي هتنفع مع شعري بحسب مساميته ومرونته واحتياجاته. هنتكلم في الموضوع ده بالتفصيل إن شاء الله، لكن بشكل عام معظم الشعر الكيرلي بيكون مساميته منخفضة، يعني بيحتاج زيوت خفيفة تخترقه بسهولة (الأفوكادو مثلا) أما الزيوت التقيلة (زي جوز الهند) مش هتعرف تخترقه فتتراكم فوقيه وتخليه ناشف أكتر...
طبعا في أسباب تانية ممكن تخلي الشعر ينشف، لكن دي أكثرها شيوعًا.
قولولي بتعملوا كام حاجة من دول؟
طبعا في أسباب تانية ممكن تخلي الشعر ينشف، لكن دي أكثرها شيوعًا.
قولولي بتعملوا كام حاجة من دول؟
#ConfusedCurlies #Curly #CurlyHair #Curls
Comments
Post a Comment