طرق لتصفيف الشعر الكيرلي
خطوة تصفيف الشعر بعد غسله تعتبر خطوة مهمة جدا وهي اللي بتحدد شكله بعد ما ينشف إلى حد كبير. في معظم الأحيان، خصل الشعر بتبقى كيرلي وشكلها حلو لما يبقى مبلول، لكن بتفك من بعضها لما ينشف أو بتهيش. كمان الشعر لما بيكون اتعود على الفرد بالمكوى أو الكيراتين، بيبقى صعب عليه يرجع لشكله الأولاني فبيحتاج شوية تدريب عشان الكيرلز ترجع لطبيعتها وتبقى خصل مع بعضها شكلها حلو. دي أمثلة على طرق التصفيف اللي بتساعد الشعر يرجع لطبيعته، وتخلي الخصل )defined) ملمومة مع بعضها بعد ما الشعر ينشف: ** كل الطرق دي بتتعمل لما الشعر يكون مبلول بعد غسله، يادوبك مايكنش بينقّط: ١. Rake & shake بعد ما أغسل شعري بالبلسم، بقسم شعري ل٤ أجزاء مثلا وأبدأ أحط الكريم أو الleave-in على كل جزء، وبعدين الجل لو حابة. وأنا بحط الحاجات دي على شعري، بمرر أطراف صوابعي بين الخصل من الجذور لحد الأطراف، بحيث أتأكد إن الكريم أو البلسم يتوزع كويس، وإن الخصل ماسكة في بعضها. ولما أوصل للأطراف بهزّ إيدي بحيث الخصل تاخد شكلها الطبيعي وتلزق مع بعض صح. وبعدين أنقل على الجزء التاني. كل ما الجزء اللي بشتغل عليه يبقى أصغر, كل ما البلسم بيتو
